H I M M E L W Ä R T S

 

 

 „Wenn du das Fliegen einmal erlebt hast, wirst du für immer auf Erden wandeln, mit deinen Augen himmelwärts gerichtet. Denn dort bist du gewesen und dort wird es dich immer wieder hinziehen.“

Leonardo da Vinci.

 

 

 

Danke Walter, auch ich bin angesprochen, es waren sehr Grundlegende Lektionen in meinem Leben mit Dir !

 

 

 Auch einen grossen Dank an meinen Fluggötti "Duri" Zengaffinen der mir alles in der Gebirgsfliegerei gezeigt hat. Wir waren wie Brüder, Du fehlst mir sehr... 

 

 

...folgend eine Satire aus einer Flugstunden mit meinem Cheffluglehrer Walter Tschumi.

Wale war ein Freund, mein Fluglehrer.

 

Der folgende Text stammt aus dem Buch, Mein Leben als Flieger im letzten Jahrhundert. Walter Tschumi.

 

 

Die Freuden und Leiden eines Fluglehrers 

Ein nicht ernst zu nehmender Dialog zwischen dem Fluglehrer und seinem 17-jährigen Helikopter-Flugschüler. Ähnlichkeiten mit der Vergangenheit sind rein zufällig, oder öpe doch nid? 

 

Tschou Kari, du chunsch scho bau e chli spät, mir hei doch am nüni abgmacht, u its isches scho viertuab. 

 

Ja ig ha giuflet, aber dr Verchehr isch gross gsi, u de han ig de ersch no ne Schlicher vor mir gha. 

 

Guet, mir mache gemäss Programm hüt Usselandige, so wie mer das zletschte Mau besproche hei. I hoffe, dass Karte vorbereitet hesch, u ou d Landepünkt genau gschdudiert hesch. Its geisch no ds Wätter go aluege, u de gang go dr Ussescheck mache, dr Heli isch scho tankt, i mache de no d Flugamäudig. 

 

OK....

 

Hesch aues kontrolliert... 

 

Wi viu Öu hets no im Getriebe.... 

 

Ou das hani its nid gluegt... 

 

Ja ig ha gmeint, du heigsch dr Ussescheck gmacht? Mach dä no einisch!...Znächschte Mau machsches de grad vo Afang a richtig...

 

Ok, schtige mer i...

 

Ja i mues no schnäu go bisle... 

 

Hesch its das nid vorhär chönne mache?... 

 

Da hani äbe no nid müesse... 

 

Guet mach ä chli, dr nächscht Schüeler chunt ja scho bau... 

 

Ok ig jufle... 

 

So chum its wei mir aber ischtige u los Häb bim Istige doch einisch dr Gring abe, süsch überchunsch de Mau e Hirnerschütterig scho bevor mr dr Heli agla hei, scho ds letschte Mau hesch e Büle gha... 

 

So its mach dr Innescheck u mach e chli vorwärts. 

 

Ou, its han ig im Outo d Schecklischte vergässe.

 

So its stigsch no einisch us u geisch di Schecklischte go hole. 

 

Ok i pressiere... 

 

So its mach aber ändlech vorwärts... So dä Innescheck isch nid schlächt gsi, its södsch nume 

no Pedau richtig ischteue, du hesch ja d Knöi fasch am Chini obe... So its start e mau ds Triebwärk, das chasch ja scho lang säubständig... Haut, hesch Ussetämparatur d schecket ? 

 

Ou nei. 

 

Auso its nid wieder afa lauere... So, ds Triebwärk louft, its machsch no dr Scheck vor em Start... Ändlech simer startbereit, das het ja wahnsinnig lang duret. Mir gö via Längebärg Sierra use, schtige uf 4000 Fuess u de zersch mau Richtig Blüemlisaup, bis du de nach Programm chasch übernäh, i säge de wenn. 

 

Ok i probieres... 

 

So, mir hei d Schtartklierens, de chasch Du, lueg e chli hingertsi, du chasch doch nid eifach retur flüge 

win e Muni in e Chrishufe. Nach em Abdräie u vor em Wägflüge luegt me de no einisch i Aflug, du weisch ja nie ob nid äs Säguflugzüg am Lande isch... So, dä Start isch einigermasse glunge, its södsch nume no mit em Pedau e chli korrigiere, mi schrisst es ja fasch zum Heli use... Was luegsch eigentlich immer i Heli ine, zwüschine sötsch würklech o ä chli useluege, was süsch no i dr Luft umeschwaderet, vo its a seisch mer jedes Flugobjekt wo de gsesch... Wiso Schtigsch eigetlech immer witer, mir si ja scho bau uf 5000 Fuess, u ig ha gseit bis Sierra maximum 4000 Fuess. 

 

Ou, vor luter useluege han Ig nümme uf ä Höhemässer gluegt. 

 

Jä du muesch haut aues mache... So its simer über Sierra u vo da flügsch wi besprochä Richtig Blüemlisaup. 

 

Its mues i würklech frage, wo isch eigentlech Blüemlisaup? 

 

Ja its muesch du mir nume no säge, du wüssisch aus Bärner nid wo Blüemlisaup isch... 

 

Warschinlech han ig i dr Geografi grad gfäut, wo das behandlet worde isch. 

 

Auso dä gross Chlotz, wo its vor dr Nase hesch isch Blüemlisaup... So its chasch gemäss Uftrag säuber

navigiere u dr erscht Landepunkt avisiere... 

 

Chöiter e mau dr Schtürchnüppu häbe, i muess s Charte besser faute damit ig öppis gseh. 

 

Jä das muesch natürlech würklech vor em Schtart mache u nid ersch i dr Luft, du chasch ja schpäter dim Pasaschier o nid säge er söu, bis du d Charte zwägrichtert  hesch, dr Heli stüre... 

 

Its hani grad e chli es gschtürm, i chume im Moment nid nache, warschinläch han i d Charte verchert i de Finger. 

 

Du muesch d Charte nid immer dräie, e so chunsch natürlech nie zum erschte Landeplatz, nim e mau dä Kurs wo de grächnet hesch, u de verglichsch ds Glän« mit dr Charte, u de luegsch o chli uf Zit... So its geits scho wäsentlech besser, muesch nume no luege, das mr nid ständig stige, süsch bisch de am Ziu so höch, das dr Landeplatz gar nüm gsesch... So, zä Minute si vergange, its söt de dä Platz bau cho... 

 

Ou, i gloube gse woner isch... 

 

Auso, machsch ds Prositscher für d Rekognoszierig u überleisch wie wosch aflüge... Its flügsch de scho bau zäh Minute um dä Platz ume, du sötisch di de langsam entscheide azflüge, süsch geit üs de öpe no dr Moscht us...Gopfridstutz, muesch its würklech grad über die Chüe aflüge, u zudäm bisch de ersch no im Rüggewind. Schtart düre u lueg das Ganze no Mau a, aber de nid wider zä Minute... So its gsets besser us, nume södsch de öppe d Fahrt wägnäh, süsch lande mer de wie es Flächeflugzüg u für das isch dä Platz de scho ds kurz... So häb e chli links zum Lande, mir si ja ganz schreg, u no chli vorwärts, süsch heimer de plötzlech ke Heckrotor me, hinger dir isch nämlech grad Stei... Lueg dä Platz genau a, wo mir ufgsetzt hei... Guet, its machsch no Mau e Rundi, z nächschte mau landisch 

de grad am richtige Platz. 

 

Guet i wiu mir Müe gä. 

 

Ok, isäge bi dere Rundi gar nüdme.... Guet, die Rundi isch ganz passabu gsi, its chasch elei no e Rundi dräie, i schaute de ds Funkgrät i. I muess de no Blei vo hinger uf mim Copilotesitz ha. Ok, eigentlech söts ja ohni gah, aber i maches its no einisch... So its chasch schtarte u häb Sorg... Wo flügsch eigentlech häre, du bisch ja totau näbe dr Voute, i wär de scho froh we wider zu mir chämsch, i wett de nid ds Fuess hei stärnefüfi... Häb amau drissg Grad links, de sötisch dr Landeplatz u mı wider gseh, wede Iınks useluegsch.... Gsesch mi its ? 

 

Ah ja, its chumi wider drus, ig gse dr Platz wider u sogar dr Fluglehrer. I bi de scho no froh!... 

 

Du chunsch de für d Landig scho no rassig derhär, nimm doch e mau di Fahrt e chli wäg, schliesslich bisch ja e ke Mirasch... We d Leischtig reduziersch, södsch de o mit em Pedau korrigiere, du chunsch ja derhär wie de nid ganz nüechter wärsch. So, its gsets scho wäsentlech besser us...Häb e mau de Heli chli ruig zum Lande. Du södsch de würklech langsam afa mit Lande, la dr Bitsch langsam abe u häb dr Heli einigermasse stiu. Schieb no e Meter nach links, süsch landisch nämlech grad im e ne Chuepflüder, das schetze de Meche ds Bäup gar nid... Ändlech, das het its aber duret. So, its machemer no mau e Rundi am Doppuschtür, de müessemer abbräche u zrügg, dört warte scho angeri uf e Heli, mir hei scho vo Afang ae hufe Zit verlore. Its södsch ja würklech Bäup säuber wider finge, süsch isch es de würklech nüm guet. Für e Rückflug nimmsch wider d Rute Sierra u de versuechsch emau, dr Funk säuber zmache. 

 

Ja heiter ds Gfüeu ig chön das? 

 

Ja einisch muesch ja afa, du hesch ja e Teil vo dr Voice scho gmacht. 

 

Guet i probiere e mau, aber häufet mer de, wes öppe nid söt ga. 

 

Auso, i zä Minute isch es öpe so wit, isäge dr de we di södsch amäude. 

 

Ok, äs guets Gfüeu han i auerdings nid... 

 

So, its simer e sowit, du chasch di amäude. 

 

Guet ig probiere emau...Bärn Tauwer 

 

Du muesch nid mi aluege, red witer... 

 

Hotel Bravo Ixrei Papa Quebek, Possischen...wo simer eigentlech? 

 

Ja das södsch de scho säuber wöüsse, lueg e mau uf dr Charte nache. Nume muesch de öpe mache, süsch überchunt de dä zBäup uf em Turm no ne Närväzämebruch. 

 

Ok, ig gloubä mir si über Guggisbärg... 

 

Auso los...

 

Possischen Guggisbärg, füfdusig Fuess... Deireckschen Sierra...ou its weis inüm witer.... 

 

Überleg e mau, wo wosch häre, wosch doch uf Bäup, oder? 

 

Ah ja, isch ja klar... Deireckschen Sierra für Heliswiss. 

 

(Da isch Bäup Turm, was isch das eigentlech für äs Gschtürm u Gschtotter, da chunt ja ke Sou drus, überleget näch zersch was dr genau weit säge, dir blockieret Ja dr ganz Funkverchehr?) 

 

Ou, its isch nüme guet, i wär froh we dir dr Funk würdet mache. 

 

Guet, ig übernime dr Funk, aber los its einisch genau zue. Aber nach Bäup flüge muesch its no säuber...So its machsch no e schöne Aflug...

Flüg doch nid so nach a dä Säguflugzüg dürä, süsch luftets die no furt, u de pass o no chli uf das Höi, wo am Bodä ligt uf, d Mechä heis de gar nid gärn, wenn dr Hangar vou Höi isch. 

...Ds nächschte mau steusch de dä Heli no chli grad häre... 

 

I muess säge, i bi seichnass u bi froh, dass di Flugschstund ume isch. 

 

Mir geits fasch ähnlech, aber dr nächscht Schüeler schteit scho dört u wartet uf mi. U e si für hüt no etlechi agmäudet! Ma cha auso säge «Fröide herrscht»!